Հայտարարություններ

Կենսաբանության հանրապետական օլիմպիադայի դիպլոմակիրներին

ՈՒՇԱԴՐՈՒԹՅՈՒՆ: Կենսաբանության հանրապետական օլիմպիադայի արդյունքում I, II, III կարգի դիպլոմների արժանացած 10-րդ, 11-րդ և 12-րդ դասարանների աշակերտները ս.թ. ապրիլի 4-ից հրավիրվում են պարապմունքների թիվ 118 ավագ դպրոց:

Հանրապետական հանձնաժողովի նախագահ՝ Գայանե Ղուկասյան:

Դպրոցականների առարկայական օլիմպիադաների պատասխանների և արդյունքների մասին

Հարգելի գործընկերներ,

Դպրոցականների առարկայական օլիմպիադաների աշխատանքներին կարող եք հետևել միաժամանակ lib.armedu.am և www.olymp.am կայքերից:
Յուրաքանչյուր առարկայի օլիմպիադայի ավարտից հետո երրորդ աշխատանքնային օրը կտեղադրվի պատասխանները:

ՄԱԹԵՄԱՏԻԿԱՅԻ արդյունքները կտեղադրվեն մինչև ս.թ. փետրվարի 15-ը, իսկ մնացած առարկաներինը` մինչև ս.թ. փետրվարի 22-ը:

Օլիմպիադայի կազմկոմիտե

Ի գիտություն ԻՆՖՈՐՄԱՏԻԿԱ առարկայի օլիմպիադայի մասնակիցների

Հարգելի՛ տնօրեններ, սիրելի՛ աշակերտներ

Հայտնում ենք, որ ԻՆՖՈՐՄԱՏԻԿԱ առարկայի օլիմպիադայի համար այս պահին գրանցվել է 1552 աշակերտ, ինչն ուրախալի է, քանի որ առարկայով հետաքրքրվողների թիվը ավելացել է: Սակայն ուզում ենք նշել նաև ԻՆՖՈՐՄԱՏԻԿԱ առարկայի օլիմպիադայի հանրապետական հանձնաժողովի մտահոգությունն առ այն, որ 10-րդ և ավելի ցածր դասարաններում, ըստ հանրակրթական ծրագրերի և չափորոշիչների, ծրագրավորման լեզուներ չեն ուսումնասիրում, իսկ ԻՆՖՈՐՄԱՏԻԿԱ առարկայի ԸՆԹԱՑԱԿԱՐԳԻ համաձայն մասնակիցները պետք է լավ տիրապետեն ծրագրավորման C, C++ և ՊԱՍԿԱԼ լեզուներից որևէ մեկին:

Հաշվի առնելով վերոնշյալը և հանձնաժողովի մտահոգությունը՝ ԻՆՖՈՐՄԱՏԻԿԱ առարկայի օլիմպիադայի վերջնական ցուցակները հստակեցնելու համար անհրաժեշտ է, որ մասնակիցը նախօրոք պարտադիր գրանցվի i.olymp.am կայքում և իր ԱՆՁՆԱԿԱՆ ՀԱՄԱՐԻՆ համապատասխան գրանցի գաղտնաբառ, ըստ որի կհաստատվի որպես օլիմպիադայի մասնակից: i.olymp.am կայքը կգործի ս.թ. փետրվարի 1-ից 6-ը:

Հիշեցնենք, որ օլիմպիադայի փորձնական փուլը, որին մասնակցելը պարտադիր է, անցկացվելու է ս.թ. փետրվարի 9-ին՝ ժ. 14:00-ին, իսկ օլիմպիադան՝ ս.թ. փետրվարի 12-ին՝ ժ. 12:30-ին:

Օլիմպիադայի կազմկոմիտե

Դպրոցականների առարկայական օլիմպիադաների 2-րդ /մարզային/ փուլի ԺԱՄԱՆԱԿԱՑՈՒՅՑԸ ԵՎ ԱՆՑԿԱՑՄԱՆ ՎԱՅՐԵՐԸ

Հարգելի գործընկերներ,

Ծանոթացեք 2015-2016 ուսումնական տարվա դպրոցականների առարկայական օլիմպիադաների 2-րդ /մարզային/ փուլի ԺԱՄԱՆԱԿԱՑՈՒՅՑԻՆ ԵՎ ԱՆՑԿԱՑՄԱՆ ՎԱՅՐԵՐԻՆ:

Տես կից ֆայլերը:

Attachment: 
PDF icon Yerevan-Jamanakacujc2015-2016.pdf
PDF icon Yerevan-Jam-Marzc2015-2016.pdf
PDF icon Informatika-2015-2016.pdf
PDF icon Zhamanakacujc-2-SSVT-2016-1.pdf
PDF icon Zhamanakacujc-2-YAA-2016-1.pdf
PDF icon Zhamanakacujc-2-AGKL-2016-2.pdf

ՊԱՏԱՍԽԱՆՆԵՐԻ ԹԵՐԹԻԿՆԵՐԻ ՄԱՍԻՆ

Հարգելի տնօրեններ,

Մարզպետարանների՝ կրթության բաժիններից արդեն կարող եք ըստ ձեր ներկայացրած ցուցակների ՊԱՏԱՍԽԱՆՆԵՐԻ ԹԵՐԹԻԿՆԵՐ ստանալ։

Հիշեցնում ենք, որ ԻՆՖՈՐՄԱՏԻԿԱ առարկայի համար ՊԱՏԱՍԽԱՆՆԵՐԻ ԹԵՐԹԻԿ չի նախատեսվում։

Օլիմպիադայի կազմկոմիտե

Մոսկվայի Ֆիզիկա-տեխնիկական համալսարանի օնլայն օլիմպիադա

Սիրելի աշակերտներ,

Մոսկվայի Ֆիզիկա-տեխնիկական համալսարանն անցկացնում է օնլայն օլիմպիադա:
Օնլայն օլիմպիադային կարելի է մասնակցել մինչև ս.թ. նոյեմբերի 22-ը այս հղումով՝ http://phystech.international/ (հնարավոր է երկարաձգվի մինչև ս.թ. դեկտեմբերի 6-ը):
Առկա օլիմպիադան կանցկացվի ս.թ. դեկտեմբերի 12-13-ը (նախատեսվում է անցկացնել մասնակից պետություններում):

Առավել մանրամասն օլիմպիադայի անցկացման մասին կարող եք ծանոթանալ կից ֆայլից կամ այս հղումից՝ http://mda.rs.gov.ru/node/6262

Attachment: 
PDF icon Phystech.International.pdf

Օլիմպիադա ինֆորմատիկա առարկայից Հայ-Ռուսական (Սլավոնական) համալսարանում 22.03.2015

Հայ-Ռուսական (Սլավոնական) համալսարանը ս.թ. մարտի 22-ին (կիրակի) , ժամը 10:00 – ին, հայաստանի դպրոցականների համար կազմակերպում է անհատական օլիմպիադա ինֆորմատիկա առարկայից : Նախնական հայտերը խնդրում ենք ուղարկել pmi@rau.am էլ. հասցեին, նշելով մասնակցի անունը, ազգանունը, դպրոցն ու դասարանը:

Հասցեն` Հովսեփ Էմինի 123

Մանրամասներին համար զանգահարել 010-222-997 կամ 093 55 81 52 համարներով:

* Օլիմպիադայի մրցանակակիրներին Հայ-Ռուսական (Սլավոնական) համալսարան ընդունվելիս, միավորների հավասարության դեպքում առավելություն կտրվի:

Պատանի մաթեմատիկոս - 2015

2015թ. մարտի 18-ին, ժամը 10:00-ին Ա.Շահինյանի անվ. Ֆիզմաթ դպրոցում տեղի կունենա <Պատանի մաթեմատիկոս - 2015> օլիմպիադան:
Կարող են մասնակցել հիմնական դպրոցների 5, 6, 7-րդ դասարանների այն աշակերտները, ովքեր դպրոցական փուլում ստացել են`
  • 5-6-րդ դաս. - 16 և ավելի միավոր,
  • 7-րդ դաս. - 14 և ավելի միավոր:
Ցանկացողները կարող են ցուցակագրվել` հայտ ներկայացնելով info@olymp.am հասցեով մինչև 16.03.2015:

2015թ.-Աշխարհագրություն առարկայի դպրոցական միջազգային օլիմպիադա

Հարգելի դպրոցականներ

Սկասած 1978 թ-ից, յուրաքանչյուր տարի, կազմակերպվել և անցկացվել է <Աշխարհագրություն> առարկայի դպրոցական միջազգային օլիմպիադա: Ցավոք սրտի Հայաստանը երբևէ չի մասնակցել դրան: Սակայն 2014 թ., ՀՀ ԿԳ նախարարության աջակցությամբ, մեր երկիրը դիտորդի կարգավիճակով /որպես դիտորդ գործուղվել է ԵՊՀ ֆիզիկական աշխարհագրության և ջրաօդերևութաբանության ամբիոնի վարիչ, աշխարհագրական գիտությունների դոկտոր Թրահել Վարդանյանը/ մասնակցեց Կրակովում /Լեհաստան/ անցկացված հերթական օլիմպիադային:
Մասնակցության նպատակն էր. տեղում ծանոթանալ կազմակերպչական աշխատանքներին, ներկայացված առաջադրանքներին ու պահանջներին, հետագայում նախապատրաստել թիմ՝ 2015թ-ի միջազգային օլիմպիադային մասնակցելու համար:
Ուստի, այդ գործընթացը սկսելու համար, հայտարարվում է 16-ից մինչև 18 տարեկան աշակերտների նախնական հավաքագրում: Հավաքագրման համար անհրաժեշտ է նախապես լրացնել կից ներկայացված հայտի ձևը, ինչպես նաև փորձել պատասխանել աշխարհագրության տեստային առաջադրանքի հարցերին, որը վերցված է Կրակովի միջազգային օլիմպիադայի առաջադրանքներից:
Խնդրվում է լրացված հայտը (ցանկալի է նաև առաջադրանքի պատասխանները) ուղարկել <Աշխարհագրություն> առարկայի Հայաստանի դպրոցական միջազգային օլիմպիական թիմի կոորդինատոր Թ. Վարդանյանին հետևյալ էլեկտրոնային հասցեով` tvardanian@ysu.am:
Անհրաժեշտության դեպքում զանգահարել 091 59 10 79 կամ 055 37 73 30 հեռախոսահամարներով:

Pages