ՊԱՏԱՍԽԱՆՆԵՐԻ ԹԵՐԹԻԿՆԵՐԻ ԼՐԱՑՄԱՆ ՄԱՍԻՆ

Ուշադրություն։ Մի շարք դպրոցներ չեն պահպանում առարկայական օլիմպիադաների ընթացակարգերում նշված պահանջները։ Մասնավորաբար՝
1. Ժամանակին մարզպետարաններ /Երևանի քաղաքապետարան/ չեն ուղարկում օլիմպիադաներին մասնակցել ցանկացող աշակերտների ցուցակները՝ ընթացակարգում նշված Հավելված 1-ի (Excel-ի ֆայլով)։
2. Պատշաճ ձևով չեն հրահանգավորում աշակերտներին ՊԱՏԱՍԽԱՆՆԵՐԻ ԹԵՐԹԻԿԻ լրացման կարգը, որի արդյունքում աշակերտները՝
ա/ վանդակներում չեն նշում X –ով,
բ/ անձնական համարները չեն համապատասխանում կայքերում նշվածներին,
գ/ չեն լրացվում դասարանների և առարկաների վանդակները X –ով,
դ/ ընտրովի առաջադրանքներում /1-ից 15-ը/ նշում են մեկից ավելի պտասխաններ,
ե/ կարճ պատասխաններում ուղղանկյուն վանդակներում լրացնում են առաջադրանքի պատասխանը, սակայն համապատասխան սյուներում չեն նշում X –ով,
զ/ պատասխանները լրացնելիս կատարում են ջջումներ։
3. Լրացված պատասխանների թերթիկները ստանում ենք շատ ուշացումով։
4. Պատճենահանում են ՊԱՏԱՍԽԱՆՆԵՐԻ ԹԵՐԹԻԿՆԵՐԸ:
5. Օգտագործում են նախորդ տարիներին տպագրված և նոր ստանդարտներին չբավարարող թերթիկներ։
6. Գունավոր թղթի վրա պատճենահանումներ։
Հարգելի գործընկերներ հիշե՛ք,
Ստուգումներն իրականացվում են համակարգչի միջոցով և յուրաքանչյուր սխալ լրացված թերթիկ հնարավոր է չմշակվի կամ հանգեցնի սխալ արդյունքի և համաձայն ընթացակարգի դպրոցական փուլի արդյունքները չեն բողոքարկվում։